REHEFA (Tsinjo RAZAKANIAINA )

REHEFA

Izay kely mba hananako
Hany sisa an-tanako
Ho ento ho anao...

Rehefa maty aho:
Tanisao ny tsara vitako
Vakio milanto ny asa soratro...

Baboy indray ny foko resi-tory fa
Tena kanto maro loko
Irony tononkalo hany voasoratro omaly

Fa ny tsikiko androany
raha sitrakao
Valio
Fa avadiho indray ho tomany...

Rehefa maty aho, ho ento mba ho atao veloma
Ary koa mba 'ndeha ifona
Atsy amin' ilay trano iray mangina:
''Dia ilay tranon' andriamanitra"

Dia misaotra anao naharitra
Niara niombom-pahoriana tamiko...

Tsinjo
--------