Hampiditra tononkalo

NY TANTARAKO

Te hamboraka aminao ny nameno ny tontoloko aho
Tiako ho tsorina aminao reo nandavo ny tomoriko

Saingy

Ny afotroan’ny hirifiriko, tsy mety mba mangina
Fa mankahatr’aman’aina, ny farareomotry ny foko
Dia migorogorona foana, mba hampiferinaina
Mirara-boa ny votoatiko, fa nidarabo-tan-trotrony
‘lay pitik’hafaliana nentiny, ho tsangan-tsiry sy andrareziny
Amin’ny androny mamony

Tonga antaravelona aho volotara iray voaoty
Raozy sarak’aman-taho vetivety dia voahosy
Nataoko mihitsy ny hampangina reo ferim-panaintainako
Notakonako ho dila ny alahelo nirafetako
Mba ho mamy no irehetako sy handoroka ny fiainako
Saingy voaroba ny talentako