ILAY FITIAVANAO (A.Mcko Jasmine)

Anio ny andro iray hiandrasanao azy
Hifanolorana indray ireo voady mariazy.
Ho safononoka izany ny hasambarako hoy ianao
Fa ho tanteraka avokoa ireo voady izay natao.
Dia niandry ianao,ka nanantena tokoa .
Fa izy irery ihany moa no antenaina hitondra soa
Indrisy anefa tsy hay hoe ahoana,fa lasa ny fotoana .
Ilay nantenaina ity tsy mbola tonga foana .
Tsy kivy anefa ianao, fa niezaka nanafina.
Ny fotoana vita koa moa tsy mahaleo ny sampona.
Kinanjo kelikely,inty olona iray.
Nampionona anao dia taratasy iray.
Dia nirotsaka mahalana ny ranomasonao.
Hakiviana,sorisory no nameno ny endrikao.
Aiza ho aiza izy izao moa mba mahatsiaro anao?
Hadinoy hatreo ny lasa fa ny ho avy no andrandrao.
Tsy mora hoy ianao ny manadino ny efa vita?
Ka hodina tsy tsaroana dia ho takona tsy hita!!
Eny inoako izany mety ho marina ny anao!
Nefa hoy aho!mba mandrapahoviana ny fandeferanao?
--------