Ampidiro aloha ny tenimiafina
Mahazo ianao (BILA)
Mbola tsisy niantsa
(Nalaina tao amin'ny vetso.serasera.org)
MAHAZO IANAOMahazo malahelo
Fa tsy mahazo mamoy fo
Ahisino aloha ny lelo
Dia atrakao ny loha
Mahazo mitomany
Fa tsy mahazo kivikivy
Mila mandroso hatrany
Na dia mangidy rarakivy
Mahazo koa mitezitra
Fa tsy manao an-dolom-po
Saino aloha izay hevitra
Mba hampiditra ny soa
Mahazo koa migiaka
Hanadinoana ny olana
Rehefa avy eo mitraka
Fa io tsy vahaolana
Mahazo mitaraina
Fa rehefa avy eo mandihy
Aza iasana saina
Izay mpihantsaravelatsihy
Avoahy izay ao anaty
Raha toa tsy zaka intsony
Fa ireny no mahafaty
Sy mampisy lonilony.
BILA
--------
Rohy:
Mpakafy:
TosakaMg