Hevitra momba ny Ny adin-tsaiko

Nofy2 ( 29/09/2014 11:54)

Sao tara

Aborahy fa sao dia tara ny fitiavanao azy
Sao variana ny mijery sy mandinika ny ho avy
Aza andrasana ela loatra,be fikenona,fidona
Lazao mazava tsara aminy ary mahaiza mandodona

Tsory aminy ny ao am-po
fa izy angamba tahaka izany
Sao efa nisy tonga aloha
izay ianao vao manontany

Koa lazao fa sao dia tara
Tsory aminy lazao
Fa izy mety tsy mahalala
Sady efa tia anao

Nofy2 06 Février 2007

cedarf ( 02/10/2014 09:47)

eny! marina tsy lainga izay voalazanao, kanefa
ny fasahiko mbola kely, mbola tsy afaka manefa
izay kinasan'ito foko fa dia mandinika azy foana
no mba hery ananako ato, fa ny hiteny: mbola moana.

andry 1000 ( 21/04/2015 06:13)

nefa...mba lazao ihany
fa sao ny fony miandry anao
manantena, anao hiteny
fa izy mety manirery...

fahasahiana hoy enao
no mahatonga anao tsy hilaza
tsoriny aminy ambarao
nofy2 anie tsy zaza e!
fa efa izy no niteny
tsory aminy ny ao ampo.


henjana daholo nareo e!!