AKANGA TSARA SORATRA (Fredy Jaofera)

AKANGA TSARA SORATRA





Ny akanga tsara soratra,
manaitra anay mpandalo
fa kanto iray mpamokatra
ny ainga maro hampikalo.




Ny akanga mahavariana,
mahafinaritra eny foana,
mamoha ho azy fifaliana
vao seranina raha moana.




Ny akanga mahafanina
mampidoboka aok'izany
ka na aiza, mahamanina
sy mandefa ny vinany.




Ny akanga mahamirana
satry lava hohadalaina
saingy aoka handosirana
fa tsy mety raha lazaina.





Fredy JAOFERA
--------