AM-BAVAKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
AM-BAVAKAEntina am-bavaka
‘ty firenena
toa any an-davaka
rehefa jerena.
Entina am-bavaka
tsy hifanjevo
ny maro te hiavaka
sy be revorevo.
Entina am-bavaka
tsy hifamono
fa avy handravaka
soa tsara jono.
Entina am-bavaka
ny hifankatia,
ka avy hampihataka
an’ireo sanatria.
Fredy JAOFERA
--------
Rohy:
Sokajy :
Vavaka - Tanindrazana
