ANDRIANIKO (Fredy Jaofera)

ANDRIANIKO





N'aiza n'aiza no misy ahy,
O ry Tompo izay mitahy,
fa na eto an-tanin'olona
miatrika ady sy mitolona,
dia andrianiko ny teniko
sy tsy foiko toy ny reniko !




Na rahoviana na rahoviana
no be mpitata ho tsy tiana
na mahamenatra mihitsy,
hoy aho tsy mba mitsitsy,
dia andrianiko ny teniko
fa harena no tsy neniko.




Ka na ahoana na ahoana
izay ratsy ambara foana ;
amoronan-doza hatrany
fa tsy hahatafita sesilany,
dia andrianiko ny teniko
fa anjara soa tsy afeniko !





Fredy JAOFERA
--------