Ampidiro aloha ny tenimiafina
ANDROANY (2) (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ANDROANYAndroany, niserana
'lay endrikao taloha
ka nahabe fitserana,
na vetivety aza moa.
Androany, nitosaka
'reo ora nisentoana
ka tsy afa-niposaka
ny vazom-piravoana.
Androany, nibahana
'lay onjam-pitiavana
tsy mba nivavahana
na isan'ny finiavana.
Androany, nivolana
ny aingan'ny fahiny
rakotra ohabolana
sy any ankehitriny.
Fredy JAOFERA
--------
Rohy:
