AO AM-PO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
AO AM-POAo am-po, ny fitiavana
mitory fahasambarana,
tsy tia manavangavana
sy tsy misy fitsaharana.
Ao am-po, ny finoana
katsahin'ny olombelona
tsy mivoy ny fisentoana
mitady hiselontselona.
Ao am-po, ny fiadanana
imatimatesan'ny mijaly
fohazina hananganana
ny tsara noho ny omaly.
Ao am-po, ny fitoniana
nofisina hahombiazana
mampilamina mangina,
na teo ny fahavoazana.
Fredy JAOFERA
--------
Rohy:
