ASA ?... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ASA ?...Asa ny faniriako,
na ho nofy na ho tanteraka
fa ny tena nofidiko,
ho anao no mba nateraka ?
Asa ny hetaheta
raha hipoitra sy hitoetra
fa mampitetateta
sao dia hampipararetra ?
Asa ny vazo maro
raha hisavoana fotsiny
fa toa nanafangaro
hatramin'ny rotsirotsiny ?
Asa irony ako
raha hamaly lalandava
fa nahalalako
dobo-po ka miran-tava ?
Fredy JAOFERA
--------
Rohy:
