AZOKO INOANA (Fredy Jaofera)

AZOKO INOANA




Rehefa ianao no be fahavalo,
azoko inoana fa olona ambony
manana saina tsy mety atakalo
tonga fialonana tsy hita intsony !




Rehefa ianao no be mpankahala,
azoko inoana fa mba olona tsara
tobaka soa toa tsy manan-tsahala
tsy mahafaly an ‘reo diso anjara !




Rehefa ianao no be mpanaratsy,
azoko inoana fa olona tsotra
mbola lazaina manana vatsy
no aposako sy mipololotra !




Rehefa ianao no be mpanambany,
azoko inoana fa olona hendry
manana tanjaka iray sesilany,
tsy ho todin’izay te hikendry !





Fredy JAOFERA
--------