FILAFILA (Fredy Jaofera)

FILAFILA




Ny itiavako foana hatrany
anao, izany havako izany
dia tsy inona f'ireo filafila
nampiady nilaza tsy mila !



Tsy tiako kanefa tsy foiko,
tsy tanty kanefa misoko,
tsy mety kanefa raketo
fa 'zay no ananana eto.



Tsy miova kanefa zakaina,
tsy mamy kanefa lanjaina,
tsy tsara kanefa nekeko
f'ianao no mba volameko.



Tsy dina kanefa tadidy,
tsy tery kanefa efa didy,
tsy voady kanefa tsy lany
'reo fila misisika ihany.




Fredy JAOFERA
--------