HADINO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HADINO Hadino ny manjo
rehefa eo ianao mihira,
tsy nofy fa dia to
ny faniriana, mamikira !
Hadino ny ahiahy
rehefa eo ianao mijery,
mitony ny fanahy
sy tsy mahatsiaro irery.
Hadino ny tomany
rehefa eo ianao mifaly,
tsy hitahita izany
irony sedra nampijaly.
Hadino ny taloha
rehefa eo ianao mitia
sy mba mamoha
hamamiana ho doria.
Fredy JAOFERA
--------
Rohy:
Sokajy :
Ahy - Fahatsiarovana - Fananarana - Eritreritra mandalo - Fiainana - Aingam-panahy - Fitiavana
