HATAHORAKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HATAHORAKONy hatsiaka no hatahorako
hamifirifiry ny andro maro
raha tsy eo ilay nifotorako
ho ahy irery ka fantaro !
Ny harary no hatahorako,
n'aiza no mba honenana
ka na hatramin'ny orako
tsy ho hita hambenana.
Ny hangina no hatahorako
hameno ho azy ny tontolo
raha indro izany aborako
ho haravoana no hisolo.
Ny hisento no hatahorako
hisesy foana tsisy farany
raha tsy any no hizorako
fa tiako be ny anarany.
Fredy JAOFERA
--------
Rohy:
