HO INONA ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HO INONA ?Ho inona ny fiainako
tsy mba manana anao ?
Hiova ve ny tarainako
sa dia tsy hita handao ?
Ho inona ny androko
raha ianao tsy anjara ?
Moa ny masoandroko
mba hihiratra tsara ?
Ho inona ny orako
raha ianao tsy mitia ?
Moa ho voaborako
'reo ilaina hifangia ?
Ho inona ny lalana
raha ianao tsy mifaly ?
Moa ve ho mahalana
izay irina ho voangaly ?
Fredy JAOFERA
--------
Rohy:
