HO RESINAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
HO RESINAOHo resinao ny ady
atrehina isan'andro
rehefa tia mitandro
ny vavaka sahady.
Ho resinao ny jaly
manelingelin-dava
rehefa io mandrava
ny ratran'ny omaly.
Ho resinao ny rofy
mitari-paharesena
rehefa hay volena
no toky fa tsy nofy.
Ho resinao ny lasa
zakaina mangingina
rehefa am-pitoniana
no miaiky sy miasa.
Fredy JAOFERA
--------
Rohy:
