ISAKY NY TONGA NY MARAINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ISAKY NY TONGA NY MARAINAIsaky ny tonga ny maraina
dia mivavaka aho vetivety
ho antsika ka tsy malaina
hisakelika foana ny mety.
Isaky ny tonga ny maraina
dia endrika sariaka no hita
mamiratra ahy, mampiaina
ny asa maro tiana ho vita.
Isaky ny tonga ny maraina
dia havaoziko ilay fitiavana
izay anio mbola antenaina
hiroborobo tomandavana.
Isaky ny tonga ny maraina
dia fahombiazana no zotra,
na inona no zavatra efaina
ho fihobiana raha mitsotra.
Fredy JAOFERA
--------
Rohy:
Sokajy :
Ahy - Fahatsiarovana - Fiaraha-monina - Fananarana - Eritreritra mandalo - Fiainana - Aingam-panahy - Fitiavana
