IZAY MAHAY (Fredy Jaofera)

IZAY MAHAY




Izay mahay mifosa
fa tsy mitia,
tsy namako kosa
no hikodia !



Izay mahay manidy
fa tsy mamoha,
mbola hangidihigy
rehefa voa.



Izay mahay manimba
fa tsy miaro
dia mbola hikorimba
vao atsaharo.



Izay mahay mitsara
fa tsy misaina,
ho entin’ny anjara
hiferinaina !



Izay mahay mandainga
fa tsy mijoro
tsy mahavadi-bainga
dia io mikoro.




Izay mahay mandroaka
fa tsy mitsetra,
tsy mahatafavoaka
ny tarigetra !


.
Fredy JAOFERA
--------