LAVITRA AHY (Fredy Jaofera)

LAVITRA AHY



Ray ô !...



Ataovy lavitra ahy
ny tebiteby izay nahazo
ka hiova ho lehilahy
higagana vao mivazo !




Ataovy lavitra ahy
ny fahoriana izay nanjo
ka hita ho voatahy
sy mandray fiadanam-po.




Ataovy lavitra ahy
ny fahantrana izay nitaona
ka indro tonga sahy
mahay mifaly, na ahoana !



Ataovy lavitra ahy
ny ranomaso izay namely
ka ny mampanahy,
hiova toky tsy mba kely.


Amena !...


Fredy JAOFERA
--------