MATOANTENY MPIFANAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MATOANTENY MPIFANAOMatoanteny mpifanao
toy ny hoe : mifankatia
no mamintsika ka andao
hifampitantana ho doria.
Matoanteny mpifanao
toy ny hoe : mifanohana
no efa navoitra tao ho ao
sy mbola eto ifantohana.
Matoanteny mpifanao
toy ny hoe : mifanadala
no maharavo ka anjakao
ny foko kely tsy te hiala.
Matoanteny mpifanao
toy ny hoe : mifanasoa
no tiako izany tsy ho lao,
hisy foana amintsika roa.
Fredy JAOFERA
--------
Rohy:
