NOHO NY FITIAVANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NOHO NY FITIAVANAMatoa isika teraka
dia noho ny fitiavana,
ka aza mety reraka
hihira fahasoavana.
Matoa isika miaina
dia noho ny fitiavana,
ka andao re lazaina
fa fitahiana goavana.
Matoa isika sambatra
dia noho ny fitiavana,
ka aza miambatra
tena hampihavana.
Matoa isika toy izao
dia noho ny fitiavana,
ka izay rehetra atao,
ataovy feno avana.
Fredy JAOFERA
--------
Rohy:
