NY FAHAVALO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY FAHAVALONy fahavalo dia mitady
izay tsy hahombiazanao
fa hivarina any an-kady
isan'andro vaky izao.
Ny fahavalo dia mikasa
izay tsy hampifaly anao,
misaina izany ho lahasa
tsy hitsaharan-draorao.
Ny fahavalo dia maniry
izay tsy hahatsara anao,
mitetika avy hangirifiry
amin'izay rehetra atao.
Ny fahavalo dia mitily
izay tsy hampety anao,
mahay koa mamilivily
ny tigetra mba handao.
Fredy JAOFERA
--------
Rohy:
