NY FIEZAHANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY FIEZAHANARehefa tsy eo ny fiezahana,
tsy hahalala fahombiazana,
na dia ho feno fivavahana
ny tontolo izay fafazana !
Rehefa tsy eo ny fiezahana,
tsy hisy sitraka antenaina,
tsy hisy akory fahafahana
hampitondra lamin-tsaina.
Rehefa tsy eo ny fiezahana,
tsy hisy inona ho tanteraka :
ny nofinofy re no hibahana,
ny fotoana hampandreraka.
Rehefa tsy eo ny fiezahana,
tsy hitaona fahasambarana,
na misy foana fangatahana
hanova ery ny fandaharana.
Fredy JAOFERA
--------
Rohy:
