NY MARINA TSY MBA MATY (Fredy Jaofera)

NY MARINA TSY MBA MATY




Tsisy takona izay tsy ho hita
na miafina izay tsy haseho
ka asakasaka izay nahavita
sy sahy nampitondra toreo.

Tsisy takona izay tsy hipoitra
na Marina izay tsy hitranga
ka lozan'izay tsy nitsotra,
rediredin'ireo be kinanga.

Tsisy takona izay tsy hazava
na lova izay tsy ho fantatra
ka safidin'izay nahay vava,
lozan'izay efa voahafatra.

Tsisy takona izay tsy hifoha
na ratsy izay hoe tsy hihary
ka asakasaka izay nahavoa
na hagegen'izay nankarary.


Fredy JAOFERA
--------