NY MASONAO NIJERY (Fredy Jaofera)

NY MASONAO NIJERY





Nampidoboka ny foko,
naharavo an-tsokosoko,
nampiteniteny irery
ny masonao nijery.




Nanitikitika ny saiko,
nanadala, hoy ny aiko,
nahalasa verivery
ny masonao nijery.




Nahasambatra ny diako,
nampiova teo ny tiako,
nampisento toa mahery
ny masonao nijery.




Nampiainga ny fanahy,
nahatonga ho sahisahy
Nampiray, na nieriery
ny masonao mijery.








Fredy JAOFERA
--------