NY OTA (Fredy Jaofera)

NY OTA





Ny ota no ampiasainy
fa tsy betsaka ny soa
no azony andrandrainy
hahombiazana tokoa.




Ny ota no isondrotany
fa tsy misy re ny tsara
mba azo isarangotany
hahamiratra ny anjara.




Ny ota no andrehetany
ny nofinofy tsy tontosa
vao indro hafinaretany
no mipoitra sy misosa.




Ny ota no anankinany
ny vesatry ny fiainana
f'izay no fanambinany
tsy misara-pitarainana.




Fredy JAOFERA
--------