REHEFA MISY NY FITIAVANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA MISY NY FITIAVANATsy misy izay tsy vita
rehefa misy ny fitiavana ;
mora hay ny mampita
ny andro ho fahasoavana.
Tsy misy izay tsy tody
rehefa misy ny fitiavana ;
ny haravoana mipody
raha niarahana finiavana.
Tsy misy izay tsy azo
rehefa misy ny fitiavana,
n'aiza n'aiza te hivazo,
ny foko izany te hitavana.
Tsy misy izay tsy to
rehefa misy ny fitiavana ;
fiadanana tsy ho lo
sy mbola mampihavana.
Fredy JAOFERA
--------
Rohy:
