SAMBATRA (Fredy Jaofera)

SAMBATRA





Na ratsy aza ny vintana
ka tsy ahitana fintana
mitobaka hanjonoana
ny tiana ho haravoana
dia sambatra aho, malala,
raha eo ianao tsy miala.




Na ratsy aza ny andro,
toa tsy be masoandro
mivimbina hazavana
sy ny mbola hafanana
dia sambatra aho fa arira
raha eo ianao mba mihira.




Na ratsy aza ny lalana
ka mila hoe mahalana
vao mba misy tsaratsara
dia izao no azo ambara :
sambatra aho, ry tiako,
raha eo ianao niriko.





Fredy JAOFERA
--------