TAHAKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TAHAKA Tahaka anao no mahafinaritra
azo ilazana izay tsy aritra
vao hihombo ilay fitiavana
satry ery tsy ho fandavana.
Tahaka anao no mahasondriana
tsy hampahory, na rahoviana,
vao hasambarana tsy hihelina
no hiroborobo sy ho telina.
Tahaka anao no maharototra
azo ambara ho mari-pototra
vao lamin-tsaina no hiseho
tsy hampipoitra izay toreo.
Tahaka anao no mahavantana
eny ho eny ny hifampitantana
vao mahazendana no ho tonga
sy hifoha ho azy 'zay somonga.
Fredy JAOFERA
--------
Rohy:
Sokajy :
Fitiavana
Hevitra mandeha
jaenclauderakotoni
(
25/02/2017 13:45)
mahafinatra ahy daholo nny mihanoka ireo asasoratr'ity mpanoratra ity ireto.
