Taiza ianao ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
Taiza ianao fony tsy nanan-kifikiranaNy saiko nisavoro ?
Taiza ianao fony tsaroako nanahirana
Ny aloka nijoro ?
Taiza ianao fony tsy nanan-kianteherana
Ny foko manjoretra ?
Taiza ianao fony nitombo sy tsy ferana
Ny ora nampitsetra ?
Taiza ianao fony tsy nanan-kantenaina
Ny toky nifotorana ?
Taiza ianao fony saika very maina
Ny fenitra nizorana ?
Taiza ianao fony tsy nanan-kitokisana
Ny raoziko nitia ?
Taiza ianao fony tsy nanam-pahamafisana
Ny heriko malia ?
Fredy JAOFERA
--------
Rohy:
Sokajy :
FITIAVANA
Hevitra mandeha
Oully
(
30/09/2004 20:06)
Zoky an! mifidiana indray tonokalo mampitraka fa na izaho aza mitady hitanondirka indray mamaky ireto tonokalo 3 napetrakao. Mbola misy ny fanantenana hoy ny fiteny.
bichette
(
01/10/2004 07:14)
manaova indray tononkalo feno fanantenana hono ra zandry a !
