TONGA IRERY (Fredy Jaofera)
Pas encore lu
(Nalaina tao amin'ny vetso.serasera.org)
TONGA IRERY Tonga irery ny fahendrena
amin'ny alalan'ny fijaliana
fa tsy zavatra nambolena
vao nivoy fahamboniana.
Tonga irery ny fahendrena
amin'ny alalan'ny fitsapana
fa tsy nipoitra na nomena
vao nitoeran'ny hatsarana.
Tonga irery ny fahendrena
amin'ny alalan'ny traikefa
fa tsy misosoka noterena
vao tsaroana ho miantefa.
Tonga irery ny fahendrena
amin'ny alalan'ny fotoana
fa tsy mikiaka ho harena,
na rahoviana na ahoana ?
Fredy JAOFERA
--------
Lien:
