TSY MISY DIKANY (Fredy Jaofera)

TSY MISY DIKANY





Tsy misy dikany ny fahombiazana
rehefa tsy misy olona hizarana azy,
ny tany mamokatra toy ny ngazana,
ny fotoana rehetra mila hanasazy !




Tsy misy dikany ny fahasambarana
rehefa tsy misy olona hizarana azy,
fiainana fotsiny no manarangarana
fa toy ny raozy mbola anaty vazy.




Tsy misy dikany ny hoe : fitiavana
rehefa tsy misy olona hizarana azy
fa ho hetsi-po tsy ho fahasoavana
hampirevo foana ka mba fohazy !




Tsy misy dikany ny lamin-tsaina
raha tsy misy olona hizarana azy,
fa ho maivana ihany raha lazaina
ka dradradradrao fa tsy vazivazy.




Fredy JAOFERA
--------