VETIVETY (2) (Fredy Jaofera)

VETIVETY





Vetivety monja
no nahitako anao,
ry ela tsy hita maso,
dia indro fa nanonja
ny tao am-poko tao
nitaditady andraso !




Dia tsy niova mihitsy
'zato bikabika tiana
hatramin'izay tokoa
ka na ireo hira vitsy
mamy nangingina
dia mbola nifoha !




'Lay ianao omaly
no nahatazana ahy
tamin'iny toerana iny
ka moa tsy falifaly
ny fo aman-panahy,
na any ilay fahiny !





Fredy JAOFERA
--------