VETSOM-PO (Fredy Jaofera)

VETSOM-PO




Raha tsy tsapanao ny tsapako samirery,
raha tsy fantatrao 'zao masoko mijery,
aleoko dia misento sy miondrika mangina
fa tsy azoko holazaina, na rako-pifaliana.




Raha tsy iainanao ny iainako ato anaty,
raha tsy tonga tany ny dobo-po tsy maty,
aleoko dia mivavaka no tiako sy arovana
fa izay momba anao, ataoko fahatsiarovana.




Ra'tsy tsinjonao no tsinjoko ho antsika,
raha tsy voavisanao ny kalo soa baliaka,
aleoko dia mandeha sy hikopaka elatra any
fa ny hirako eto izao, ho vetsom-poko ihany.





Fredy JAOFERA
--------