ZAVA-POANA (Fredy Jaofera)

ZAVA-POANA



Zava-poana tsisy hanitra
ny fiainana eto an-tany
raha tsy Andriamanitra
no momba anao hatrany.



Zava-poana tsisy dikany
'zay rehefa tian-katao
raha tsy eo ny hiakany
mitari-dalana ho anao.



Zava-poana tsisy lanjany
ny harena izay katsahina
raha tsy eo re ny tanjany
miaro anao tsy ho pahina.



Zava-poana tsisy tsirony
ny hafaliana eny ho eny
raha tsy eo koa ny jirony
mitsilo tsara ombieny.




Fredy JAOFERA
--------