'ZAY ANDEVOZIN'NY HARENA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
'ZAY ANDEVOZIN'NY HARENA





'Zay andevozin'ny harena,
tsy afaka ny ho olo-marina
fa mainka aza ho sorena
rehefa mila ny hamarina.




'Zay andevozin'ny harena
dia olona tia manambany
sy manan-tsaina mivena
toa mahamenatra izany.




'Zay andevozin'ny harena
dia miebo fa be fiadanana
sy miaina ny fitiavan-tena
mbola sarotra ihavanana.




'Zay andevozin'ny harena
dia tsy mitsinjo madinika
fa mampitondra tangena
rehefa eto aho mandinika.





Fredy JAOFERA
--------
Rohy:
202 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 06/01/2023 13:54
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.01