alaelo (jean jacques)

Alaelo tsy voafetra
No ilazako aminao
Fa ny lasako rehetra
Mbola manina anao

Alaelo tsy voafaritra
Izay mitoetra sy maharitra
Mahatsiaro ny fahiny
Noho ilay olona iny

Alaelo ireo tantara
Izay tsy maitsy adinoina
Satria hono tsy anjara
Ka tsy maitsy ho soloina

Alaelo tsy hay fafana
Mahatonga hakiviana
Fa tsimaitsy ho rarana
Ilay olona hirina

Alaelo ny ho avy
Tsy hiaraka aminao
Mbola sasatra miagavy
Miverena izao dia izao
--------