…roa… (Kens Andrianjafy)

Ho anareo roa no nanoratako ity
tsara tena kanto ny mifankatia
mifankatiava hatrany mifandefera koa
ka izay kinasa ho tanteraka, ho to

Fa andro tena tokana iray amin’ny taona
indrindra hoan’izay afaka mihaona
ny lavitra kosa, miantsoa dia mba mihafy
tsy handeha ery sy eroa, ilaozana mampirafy

Mahaiza mankafy na ny lahy na ny vavy
na ianao mahia, botabota, matavitavy
fety ho anareo roa ny andro anio izao
mazotoa mandihy, matory dia milalao

Eny ary aloha samia ho tratry ny manaraka
ka ianareo roa nofy raha hisaraka
fa hiaraka doria, hifanampy hatrany hatrany
tsy hisaraka satria efa sambatra an-tany

Kens Andrianjafy, 14 febroary 2013
--------