KANTO (LOVA (ANDRIATINASOA Mario Dino))

Kanto loatra akia ka kanto !
Raha ny hatsara-bikandrÿ.
Kanto loatra akia ka kanto !
Kanto mahate ho tia.

Ilay fitsiky manjopiaka,
ilay fijery mibaliaka,
aoka akia fa resy aho.
Tena kanto raha ianao.

Ilay famindra lantolanto?
Raha iny no mitranga,
dia hoy aho: tena kanto.
Kanto ianao ry voromanga.

Kanto ianao ka mahaliana,
kanto ianao ka nampangina,
kanto ianao ka tena tiako,
kanto ianao ry Fifaliako.

Ny vetso-poko moa no miantso,
milaza koa fa tena tia,
hoe tia ahy ve ianao ry kanto ?
Enga anie ho eny akia.
--------