Ny hahasoa anao ry taniko (RHDANIMASOUND)

NY HAHASOA ANAO RY TANIKO



Ny hahasoa anao ry taniko
Tsy ambaniako, tsy hamavainiko
Mamy ianao, tiako hatrany
Nosy meva aok’izany


Samy anananao tokoa
Rehefa mety ho voahary
Kanto ianao, tena soa
Paradisa miharihary

Maro koa ireo vahiny
Mampiseho ny faniriany
Te-hamangy sy hamantatra
Ka tsindrian-daona fatratra

Ny olonao tena raitra
Mpankamamy fihavanana
Miara-dàlana tsy taitra
Samy mifanolo-tànana.

Misy koa ireo olana
Mbola mampijaly anao
Any andro any volana
Hitrak’ianao hihavao

Ny fahendrena mahasoa
Nolovaina tamin-drazana
Io re no aok’hifoha
Fa tsy hoe hisara-bazana

Vavak’io, faniriana
Hetaheta ao anaty
Gasikara, ianao no tiana
Toky ny ahy, mandra-maty.



Randrianomenjanahary Hervé Donatien
marsa 2016
--------