AZA... (Tsikia Fitoky)
Pas encore lu
(Nalaina tao amin'ny vetso.serasera.org)
AZA…Aza hitomaniana ny masoandro efa lasa
Dia aza raharahiana ny vita sy efa kasa
Navalon’ireo andro nandalo teny ho eny
Ny ho avy indray banjinina
Eny…tsy maintsy hiserana ny tsiaro
Ireo zava-nifangaro tamin’iny omaly iny
Fa ny sainao koa amboaro tefeo hahay hionona
Dia…aza asiana monomonona izay zavatra efa vita
Fa:
Tsy iny ihany akory ny masoandro hiposaka eto
Mbola hisy indray rahapitso.
Hisy taratra hazavana sy hery manafàna
Omen’il ay joharin’ny maraina vaovao.
Fa ny anio aloha:ny alina eto hatreho
Dia aza hitomaniana izay masoandro lasana any
Aza arahina alahelo sy handefasana vinany
Fa,mbola hipody ihany io rahampitso vao maraina
TSIKIA Fitoky 06 Jona 2021 ANDRAHARO
--------
Lien:
Catégorie :
Fankaherezana