Hafatra (zoarimamy)

Iny lanitra manga iny no ampitondraiko hafatra ho anao
Enga anie tsy ho diso lalana izy iny, ka ho fihininao lay antsoko milaza fa "tena tiako ianao".

Roa volana izay no lasa.
Roa volana monja nefa zary taona maro rehefa tsy eo anilanao.

Raha mba fantatrao mantsy ny ato anatiko ato,
te hanainga atsy ho atsy, te hisonenika eo anivonao.
Nefa indrisy tsy afa-manoatra, tsy maintsy miandry 'lay fiverenanao.
Eny ry malalako aza diso ela loatra fa sasa-miandry 'lay tantelinao.
--------