Hampiditra tononkalo

Elysé-RARISON

TSY HITA ITSONY

E! Mangina ny tontolo,
Tsy hita intsony ianao
Toy ny trano bobongolo,
Haolo lava maimbo lao.

Indro maizina ny andro
Fa tsy eto intsony ianao ;
Efa dify ilay masoandro
Ka ho aiza indray izao ?

Zary oram-be mikija,
Kotro-baratra mafonja,
Injao ny hevitra mirija,
Ranomasina manonja.

Ny tandindonao no sisa
Notereko mba hiteny
Mba hikalo sy hitanisa
Ireny voadintsika ireny.

Nitady anao hatraiza,
Nanao izay farahery,
Nanontany ireo zakaiza
Saingy ianao efa very