Hevitra momba an'i narynjato

rainimaika ( 07/02/2010 07:38)

Misy ny tsiky
ankosotra atafy ny fo izay mijaly
Misy ny tsiky
taratra avoakan'ny fo falifaly
Misy ny tsiky
lamba isaloran'ny fo misoloky
Misy ny tsiky
Angolangolan'ny fo mahatoky
Misy ny tsiky
Irina hivimbina fanadinoana
Misy ny tsiky
mifono hasambarana mbola inoana
Misy ny tsiky
ampiononana fo malahelo
Misy ny t...siky
ampahatsiarovana tsiambaratelo
Misy ny tsiky
volena eo an-tava mba hanary dia;
Fa misy ny tsiky ...
Asolo ny teny milaza fitia ...

NARY Njato
18 Janoary 1985

Zozoro ( 08/02/2010 19:21)

"Misy ny tsiky niserana ihany nefa tsy hay adinoina...."

Kanto... misaotra nizara.