You are here: home > Vetso

Tsiahy sisa no hatsiarova - Aiko

Azo vakiana?

Tsiahy sisa no hatsiarovako anao
Embona sisa no hitambarako aminao
Akaiky ianao fa lavitrin'ny foko
Rava ny faniriko foana ny finoako

                                           Eny any ianao tsy mahalala ny zakaiko
                                            Tsy hare akory ny hiaky ny aiko
                                             Aiko izay namelovelo fa mbola tena tia
                                              Nefa kosa natahotra sao ho very dia

Any ianao ry tiana angamba efa nety nanadino
Raha diso eritreritro tongava hamarino
Fa tsy zaka ity mangidy tsakon'ny ao am-po
Mavesatra ity zoga, izay zoga olon'droa

              Efa afirina no nitiavako anao
              Ka nefa tsy notiavinao akory zah izay nitalao
              Nitalao aho satria tena tia tokoa
              Fitia tsy rendarenda fa tena avy ho am-po

Eny any ianao asa mety sambatra
Izaho aty toa ory satria ianao miangatra
Tsy nizara akory mpiti'kafo mpifaliana
Fa namafy kosa ny vongam-pijaliana

                                                     Any ianao izay tsy mahatsiaro ireo fotoana
                                                     Fotoana sarobidy izay ho ahy tsy ho foana
                                                     Aminao angamba efa lasa lavenina
                                                     Lasa ny rivotra ka tsy misy ho tenenina

Eny any ianao izay tsy matahotra akory ny todim-pitia
Angamba mbola mihevi-tena ho be mpankafy
Ka manohy sy mijoro amin'evitrao iany
Kanefa any andro iray hijaly ianao ka hitomany.
                        Jenahhilary

Sokajy : Fitiavana

Mombamomba

Mpanoratra : Aiko

Nampiditra : jenahhilary
Daty : 10/09/2015
Mpamangy : 1476
Mankafy : 0

Tononkalo hafa

Ilay tokako