AZA AVELA (ANDRIANDALAOARIVONY)
(Nalaina tao amin'ny vetso.serasera.org)
AZA AVELAAza avelanao ho ngazana
Ny tanindrazana
Nahoana no andosirana
Ny fototra nipoirana ?
Aza avelanao ho maina
ireo tany karankaina
Tanindrazana iombonana
Andao hifanankonana !
Aza avelanao hangaina
Ireo ‘zay mitaraina
fa tsy fidin’izy ireny
raha toa mirenireny.
Aza zatra manankiana
mampitahotra ny hafa,
manome hakiviana
ireo ‘zay vonona hamafa,
Hamafa ny tsy nety
hanatsara ny efa vita
hampijoro vetivety
izany tanindrazantsika.
Asa-tànana, asa-saina,
Fahaizana, ento hampitaina
Asa-soa , asa-tany
“adidy” ‘zany rehetr’izany !
Anjaranao tafita
no manampy sy mamita
F’aza ihodivirana
Ireo mahantra sy sahirana
ANDRIANDALAOARIVONY J
30/04/2006
--------
Rohy:
Sokajy :
Tanindrazana
Mpakafy:
era
Hevitra mandeha
era
(
12/07/2022 21:23)
Misaotra an'i Ikalamako niantsa, mahafinaritra sy manentana. Mankahery ny mpanabe rehetra. Mila antsika i Madagasikarantsika
hery
(
14/07/2022 08:19)
Ary tononkalo efa nampidirina tamin'ny 12 taona lasa
Mahita mihitsy ikalamako
Mahita mihitsy ikalamako
era
(
14/07/2022 11:08)
Tena mahita mihitsy izy. Tena hoe nofohaziny ilay tononkalo hamoha antsika rehetra manoloana ny adidy.
Mety e !
Mety e !
ikalamako
(
15/07/2022 19:33)
am-pitiavana re a. Mandrosoa hasina hatrany.
Sefo : hihihi, ny vita tato ho ato efa tany @ fahagola tany daholo fa tsy tandrin'i sefo an.
Sefo : hihihi, ny vita tato ho ato efa tany @ fahagola tany daholo fa tsy tandrin'i sefo an.