aiza toa very? (ANDRIANIAINA Fidelis)

Mbola tsisy niantsa

Hangataka antsa
(Nalaina tao amin'ny vetso.serasera.org)
aiza toa very?

nankaiza fa tsy hitako
sa ve efa tankina
lay loharano velona
tinazako namiratra
tarafin'ny masoandro
teo imasonao
nisarika ny masoko
efa matin'hetaheta
fony isika roa
vao nifankatia

angamba hoy aho adino
raha tsy efa lefy
irony tsiky kely
tsy nety vaky hehy
natosiky ny fo
efa feno bitaka
nambabo ny fanahiko
nivezivezy teny
nony injay isika
niaraka nitempo

tsy tsaroana intsony
fa gina sady moana
reo teny kely mamy
toa ila tsy ho re
nipololotra ho azy
tanaty mistery
nefa nahasarika
ny sofiko ho liana
nihaino ilay doria
tao anaty dina

renaldi
29/03/11
--------
Rohy:
Sokajy : embona - Fitiavana
1402 1
Mpakafy: NoroFrance
Hametraka hevitra
Midira aloha
Momba ny tononkalo
Mpanoratra : ANDRIANIAINA Fidelis
Nampiditra : renaldi
Daty : 05/07/2011 20:11
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0142