Noely miangatra (Z'Andrigasy)

"Noely miangatra"

Ô ry volanô, ô ry kintana
Ô ry anjarô, ô ry vintana
Ô ry ray ô, ô ry anjely
Mba iantrao ity zazakely
Fa niangaran'ny dadabe Noely
Tsy nomeny kilalao velively

Andriamanitrô aza atao vazivazy
Iangaviako ianao mba hanontany azy :
Rahoviana aho vao hahazo
Sa mbola hilalao tapa-kazo

Iza marina ity DADABE NOELY RATSY FANAHY?
Nizara kilalao nefa TSY NANOME AHY
Ireto zaza namako toa maneso
Ny alaheloko hoe refeso!
E! Avelao aho hitanondrika, avelao hitomany
Fa angamba koa efa sitraky ny avo izany.

Z'ANDRYGASY
--------