Ialahy (Andry Andrianina)

Ialahy hono letsy
Mazàna toa mamangy
Ny habakin'ny nofiny
Tazany matetika
Mandravaka ny misiny

Na aza toa kisary
Handalo fotsiny ihany
Hainy ankamamiana
Mantsy ny mitia
Ny fitia fihafiana

Ialahy letsy hono
Na manin-toera-kafa
Lafatra voatondro
Satriny havily
Ny lalana hifanojo

Mantsy ialahy hono
No tokana finidiny
Handrafitra ny tsikiny
Mihitsy tena ialahy
No hany tsiriritiny

Tsy misy afa-tsy ialahy
Mihitsy tena ialahy
No miloaka avy eo imolony
Na aza anaty nofy
Ialahy tena ialahy
No hany mba no tokiny
--------